जिल्हास्तरीय सबज्युनियर स्पर्धेत कन्याशाळा मलकापूरचे यश..

जिल्हास्तरीय सबज्युनियर स्पर्धेत कन्याशाळा मलकापूरचे यश..

        असिया बागवान गोळा फेक मध्ये तृतीय व राज्यस्तरीय स्पर्धेसाठी निवड..

 मलकापूर --

           श्री मळाईदेवी शिक्षण संस्थेच्या कन्याशाळा मलकापूरची खेळाडू विद्यार्थिनी कु. असिया बागवान हिने सातारा जिल्हा ॲमॅच्युअर ॲथलेटिक्स असोसिएशन च्या वतीने म्हसवड येथे २९जानेवारी २०२६ रोजी झालेल्या जिल्हास्तरीय सबज्यूनिअर स्पर्धेमध्ये १२ वर्ष मुलींच्या गटात गोळा फेक या क्रीडाप्रकारात तृतीय क्रमांक संपादन केला व तिची ७जानेवारी २०२६ रोजी अहिल्यानगर येथे होणाऱ्या राज्यस्तरीय स्पर्धेसाठी निवड झाली आहे. १२वर्षे मुलींच्या वयोगटात गोळा फेक या क्रीडा प्रकारात तिने 7. 80 मीटर गोळा फेक करून स्पर्धेत वैयक्तिक चांगली कामगिरी केली.

      तिला क्रीडाविभाग प्रमुख सौ. हसीनाबेगम मुल्ला यांचे मार्गदर्शन तर क्रीडाशिक्षिका सौ. संगिता पाटील, सौ. सविता कोळी, श्री. योगेश खराडे, श्री. मल्हारी शिरतोडे यांचे सहकार्य लाभले. 

          या यशाबद्दल संस्थेचे सचिव शेतीमित्र मा.अशोकराव थोरात भाऊ, संस्थेचे उपाध्यक्ष मा. भास्करराव पाटील, खजिनदार मा. तुळशीराम शिर्के, मार्गदर्शक संचालिका डॉ.सौ. स्वाती थोरात, संचालक मा.वसंतराव चव्हाण, मा. प्रा.संजय थोरात,शाळेच्या मुख्याध्यापिका सौ. सुलोचना भिसे पर्यवेक्षिका सौ. करुणा शिर्के,सर्व शिक्षक, शिक्षिका,शिक्षकेतर कर्मचारी, पालक व विद्यार्थिनी यांनी अभिनंदन केले व राज्यस्तरीय स्पर्धेसाठी शुभेच्छा दिल्या.

      तिच्या या निवडीचे पालकवर्गातून कौतुक होत आहे.