हिंदी अध्यापक मंडळाचा जिल्हास्तरीय वकृत्व स्पर्धेचा निकाल जाहीर...
कन्याशाळा मलकापूरची कु.आर्या भगवानराव पवार शहरी विभागातून प्रथम...
🌷🌷🌷🌷🌷🌷🌷
----------------------------------------
मलकापूर ----
माध्यमिक शिक्षण विभाग जिल्हा परिषद सातारा व सातारा जिल्हा हिंदी अध्यापक मंडळ यांच्या संयुक्त विद्यमाने इयत्ता आठवीसाठी आयोजित केलेल्या जिल्हास्तरीय वकृत्व स्पर्धेत कु.आर्या भगवानराव पवार हिने शहरी विभागातून प्रथम येण्याचा बहुमान मिळवला व कन्याशाळा मलकापूरच्या शैक्षणिक शिरपेच्यात मानाचा तुरा रोवला.
सदर स्पर्धा रविवार दिनांक २८ सप्टेंबर २०२५ रोजी संभाजीनगर सातारा या ठिकाणी राष्ट्रभाषा भवन व भारत विद्यामंदिर मध्ये आयोजित करण्यात आल्या होत्या. या स्पर्धेचा निकाल कार्याध्यक्ष नेताजी ननावरे व कार्यवाहक अनंत यादव यांनी जाहीर केला.शहरी विभागातून ४९विद्यार्थिनी सहभागी झाल्या होत्या. यामध्ये कु. आर्या पवार हिने बाजी मारली.
तिला हिंदी विषयाच्या शिक्षिका सौ.कुसुम पाटील तिचे आई वडील यांचे मार्गदर्शन लाभले.
या यशाबद्दल संस्थेचे सचिव शेतीमित्र मा.अशोकराव थोरात भाऊ,राज्य हिंदी शिक्षक महामंडळाचे अध्यक्ष ता.का. सूर्यवंशी,सचिव हणमंत सूर्यवंशी, राज्य परीक्षा मंत्री सुधाकर माने,संस्थेचे उपाध्यक्ष मा.भास्करराव पाटील,खजिनदार मा.तुळशीराम शिर्के, मार्गदर्शक संचालिका डॉ. सौ. स्वाती थोरात, संचालक मा.वसंतराव चव्हाण, मा.प्रा.संजय थोरात, सातारा जिल्हा हिंदी अध्यापक मंडळाचे पदाधिकारी, शाळेच्या मुख्याध्यापिका सौ.सुलोचना भिसे, पर्यवेक्षिका सौ.करुणा शिर्के, वडील ग्रामसेवक मा.भगवानराव पवार, आई सौ.जयश्री पवार,सर्व शिक्षक, शिक्षिका, शिक्षकेतर कर्मचारी, विद्यार्थिनी व पालक यांनी अभिनंदन केले व पुढील वाटचालीसाठी शुभेच्छा दिल्या.
कु.आर्या पवार हिचे पालक वर्गातून कौतुक होत आहे.
कोणत्याही टिप्पण्या नाहीत:
टिप्पणी पोस्ट करा