कन्याशाळा मलकापूरची आर्या पवार तालुकास्तरावर वक्तृत्व स्पर्धेत अव्वल...
मलकापूर ---
श्री मळाईदेवी शिक्षण संस्थेच्या कन्याशाळा मलकापूरची इयत्ता आठवी ब मधील गुणी विद्यार्थिनी कु.आर्या भगवानराव पवार हिने सातारा जिल्हा हिंदी अध्यापक मंडळ सातारा यांच्या वतीने घेण्यात आलेल्या तालुकास्तरीय वक्तृत्व प्रतियोगितेत प्रथम क्रमांक संपादन करून तालुकास्तरावर शहरी विभागातून प्रथम येण्याचा बहुमान मिळवला.व तिची जिल्हास्तरीय वक्तृत्व प्रतियोगितेसाठी कराड तालुक्यातून निवड झाली. कु.आर्या पवार ही विद्यालयाची गुणी विद्यार्थिनी असून वकृत्व स्पर्धेत सातत्याने सहभागी होऊन स्पर्धेतील महत्व सिद्ध केले आहे.या यशाने कन्याशाळेच्या गुणवत्तापूर्ण शिक्षणाचे महत्त्व पुन्हा एकदा अधोरेखित झाले. श्री मळाईदेवी शिक्षण संस्थेत संस्थेचे सचिव शेतीमध्ये अशोकराव थोरात भाऊ यांच्या मार्गदर्शनाखाली राबविल्या जाणाऱ्या विविध सहशालेय उपक्रमांच्या माध्यमातून विद्यार्थिनींच्या गुणवत्तापूर्ण शिक्षणाबरोबर त्यांच्यातील कलागुणांचा विकास करण्याचे काम शाळास्तरावर प्रामाणिकपणे केले जाते.
कु.आर्या पवार हिला हिंदी विषयाच्या शिक्षिका सौ.कुसुम पाटील मॅडम व सर्व शिक्षिका, शिक्षक यांचे मार्गदर्शन लाभले.
या यशाबद्दल संस्थेचे सचिव शेतीमित्र मा.अशोकराव थोरात भाऊ, अध्यक्ष मा. पांडुरंग पाटील, उपाध्यक्ष मा. भास्करराव पाटील, खजिनदार मा. तुळशीराम शिर्के, मार्गदर्शक संचालिका डॉ.स्वाती रणजीत थोरात, संचालक मा. प्रा.संजय थोरात,मा. वसंतराव चव्हाण, शाळेच्या मुख्याध्यापिका सौ.सुलोचना भिसे पर्यवेक्षक मा.सुरेश राजे,सर्व शिक्षक शिक्षिका,शिक्षकेतर कर्मचारी,संस्थेचे हितचिंतक पालक व विद्यार्थिनी यांनी विशेष अभिनंदन केले व जिल्हास्तरीय स्पर्धेसाठी शुभेच्छा दिल्या.
कु.आर्या पवारचे पालक वर्गातून कौतुक होत आहे.
कोणत्याही टिप्पण्या नाहीत:
टिप्पणी पोस्ट करा