श्री मळाईदेवी शिक्षण संस्थेच्या कन्याशाळा मलकापूरच्या खेळाडूंनी टेबल टेनिस स्पर्धेत पटकावले उपविजेतेपद....
स्पर्धेत कु. स्वरा पाटील, कु.अन्वेशा पाटील यांनी केला उत्कृष्ट खेळ....
सातारा --
सातारा जिल्हा टेबल टेनिस असोसिएशन यांचे सहकार्याने व न्यू इरा पब्लिक स्कूल पाचगणी आयोजित जिल्हास्तरीय टेबल टेनिस स्पर्धा शुक्रवार दि. ११ जुलै २०२५रोजी पाचगणी येथे संपन्न झाल्या. यावेळी कन्याशाळेच्या खेळाडू कु. स्वरा पाटील,कु.अन्वेशा पाटील यांनी उत्कृष्ट खेळाचे प्रदर्शन करीत त्यांच्या गटात उपविजेतेपद पटकावले. यावेळी विविध गटात कु.वैष्णवी लावंड, कु. समीक्षा मोरे,कु. सिमरा पटेल,कु. विभावरी पाटील,कु. शिवानी देशमुख, कु.जोया पठाण या खेळाडूंनी उत्कृष्ट खेळाचे प्रदर्शन करीत आपापल्या गटात अपेक्षित कामगिरी केली. या यशाने कन्याशाळा मलकापूरच्या क्रीडा यशाची परंपरा कायम ठेवत कन्याशाळेच्या सर्वागीण विकासावर आधारित शिक्षणावर शिक्कामोर्तब केले.यावेळी यशस्वी खेळाडूंना मान्यवरांच्या शुभहस्ते ट्रॉफी, मेडल व प्रशस्तीपत्र देऊन सन्मानित करण्यात आले.
या यशाबद्दल यशस्वी व सहभागी खेळाडू विद्यार्थिनींचे महाराष्ट्र राज्य शिक्षण संस्था महामंडळाचे उपाध्यक्ष व संस्थेचे सचिव शेतीमित्र अशोकराव थोरात भाऊ, संस्थेचे अध्यक्ष मा.पांडुरंग पाटील, उपाध्यक्ष मा.भास्करराव पाटील, खजिनदार मा.तुळशीराम शिर्के, मार्गदर्शक संचालिका डॉ.सौ.स्वाती थोरात, संचालक मा. प्राध्यापक संजय थोरात, मा. वसंतराव चव्हाण, टेबल टेनिस मार्गदर्शक मा. लक्ष्मण जिरंगे सर,शाळेच्या मुख्याध्यापिका सौ.सुलोचना भिसे,पर्यवेक्षक सुरेश राजे,सर्व शिक्षक, शिक्षिका, शिक्षकेतर कर्मचारी,पालक व सर्व विद्यार्थिनी आदींनी अभिनंदन केले व पुढील वाटचालीसाठी शुभेच्छा दिल्या.
सर्व यशस्वी खेळाडू विद्यार्थिनींना क्रीडा विभाग प्रमुख श्री. जयवंत पाटील, क्रीडाशिक्षक श्री. योगेश खराडे यांचे मार्गदर्शन लाभले.
या यशाने यशस्वी खेळाडू विद्यार्थिनींचे पालक वर्गातून कौतुक होत आहे..
कोणत्याही टिप्पण्या नाहीत:
टिप्पणी पोस्ट करा