कन्याशाळा मलकापूर येथे ७७ वा भारतीय प्रजासत्ताक दिन उत्साहात संपन्न....

कन्याशाळा मलकापूर येथे ७७ वा भारतीय प्रजासत्ताक दिन उत्साहात संपन्न....

     सांस्कृतिक कार्यक्रम व क्रीडा प्रात्यक्षिक कार्यक्रमाने वेधले सर्वांचे लक्ष....

मलकापूर --

         श्री मळाईदेवी शिक्षण संस्थेच्या कन्याशाळा मलकापूर येथे २६जानेवारी २०२६रोजी प्रजासत्ताक दिन मोठ्या उत्साहात संपन्न झाला यावेळी शिवाजी आप्पा सराफ चे प्रमुख मा. प्रवीण कुमार जगताप यांच्या शुभहस्ते ध्वजारोहण करण्यात आले यावेळी प्रमुख पाहुणे मा. तेजस फुटाणे,प्रमुख पाहुण्या सीनियर कन्सल्टंट टाटा कन्सल्टन्सी सौ.प्रियांका फुटाणे, कार्यक्रमाचे अध्यक्ष कर्नल अर्जुन शिणगारे, संस्थेचे सचिव शेतीमित्र मा.अशोकराव थोरात भाऊ, संस्थेचे उपाध्यक्ष भास्करराव पाटील, सौ.रोहिणी जगताप माजी विद्यार्थिनी क्राफ्ट इन्स्ट्रक्टर मा. नयनतारा कचरे, पथक पर्यवेक्षण सदस्य श्री.मोहिते सर,माजी सैनिक हरिदास माने, सौ. शितल माने, सेवानिवृत्त सी.आर.पी एफ जवान मा.शकील मोमीन,ॲड.प्रमोद तडाखे पोलीस पाटील मा.प्रशांत गावडे, श्री.जुनेद शेख व राजपथ दिल्ली एन. सी. सी. पथक सदस्या शाहीन शेख मॅडम यांची विशेष उपस्थिती होती.

            यावेळी एम.सी.सी व आर एस.पी व स्काऊट गाईडच्या विद्यार्थिनींनी संचलनाद्वारे ध्वजाला मानवंदना दिली.

         क्रीडा प्रात्यक्षिकामध्ये संगीताच्या तालावर सूर्यनमस्कार,मानवी मनोरे, दांडपट्टा प्रात्यक्षिक, झांज पथक, लेझीम नृत्य इत्यादी साहसी खेळांचे सादरीकरण करण्यात आले.तर सांस्कृतिक कार्यक्रमामध्ये ऑपरेशन सिंदूर थीम वर आधारित देशभक्तीपर गीते सादर करण्यात आली.यावेळी विद्यार्थिनींचा उत्साह पाण्यासारखा होता व उपस्थित सर्वांनी कार्यक्रमाला भरभरून दाद दिली.

         कार्यक्रमाचे प्रास्ताविकात शाळेच्या मुख्याध्यापिका सौ.सुलोचना भिसे यांनी उपस्थित सर्वाना प्रजासत्ताक दिनाच्या शुभेच्छा देत कार्यक्रमासाठी उपस्थित असणाऱ्या माजी विद्यार्थिनींचे भरभरून कौतुक केले. शाळा माऊली विषयी असणारी आस्था यामुळेच शाळेचा नावलौकिक होत आहे तसेच समाजातील विविध मान्यवरांचे विद्यालयावरती असणारे प्रेम यामुळे शाळा प्रगती करीत आहे असे मत व्यक्त केले.

           कार्यक्रमासाठी उपस्थित असणाऱ्या माजी विद्यार्थिनी क्राफ्ट इन्स्ट्रक्टर मा. नयनतारा कचरे यांनी शाळा माऊलीविषयी कृतज्ञता व्यक्त केली व शिक्षकांनी दिलेल्या ज्ञानामुळेच माझे पंख आज बळकट झाले असून आज मी मराठवाड्यात औद्योगिक प्रशिक्षण संस्थेत कार्यरत आहे असे मत व्यक्त केले.तसेच विद्यार्थिनींनी शालेय जीवनामध्ये आपले ध्येय साध्य करण्यासाठी सातत्याने चिकाटीने प्रयत्न करावा असे मत व्यक्त केले.

           शाळेची माजी विद्यार्थिनी व प्रमुख पाहुण्या सीनियर कन्सल्टंट टाटा कन्सल्टन्सी मा. प्रियंका सौ.प्रियांका फुटाणे यांनी मनोगत व्यक्त करताना शाळा माऊलीने ध्वजारोहणासाठी निमंत्रित करून आपल्या आपल्याच मुलीला मोठा सन्मान दिला याबद्दल कृतज्ञता व्यक्त करीत शालेय जीवनातील आयुष्यातील सुंदर आठवणींना उजाळा देत शाळेतील आठवणी आज मी मनाच्या कोपऱ्यात साठवून ठेवल्या आहेत व शाळा माऊलींनी दिलेले संस्कार हे भविष्याची शिदोरी असते तसेच स्पर्धा परीक्षेच्या द्वारे शाळा माऊली घेत असलेले परिश्रम याबद्दल मार्गदर्शन करीत विद्यार्थीनी यशाचे शिखरे सर करावीत व भविष्यामध्ये शाळा माऊलीकडे आवर्जून यावे असे मनोगत व्यक्त केले.

      यावेळी सांस्कृतिक विभागाच्या वतीने सौ. देवकी थोरात व त्यांच्या वाद्यवृंद विभागाने देशभक्तीपर गीत गायन करून कार्यक्रमात रंगत आणली.तर ईश्वरी कदम " मी सावित्री" या विषयावर तर दुर्वा यादव व आसिया मत्तेखान यांनी सादर केलेली देशभक्तीपर भाषणे उपस्थित सर्वांची वाहवा मिळविली.तसेच क्रीडा प्रात्यक्षिक व संस्कृती कार्यक्रमाला ही उपस्थित मान्यवरांनी भरभरून दाद दिली.

      कार्यक्रमाचे सूत्रसंचालन सौ. कविता थोरात यांनी केले.

       यावेळी कार्यक्रमासाठी माता पालक शिक्षक पालक संघातील सदस्य,सौ. रंजना पवार मॅडम,श्री. संजय नवाळे सर,कराळे वहिनी,सौ. विद्या दिंडे, युट्युबवर कारंडे सर, पालक व विद्यार्थिनी मोठ्या संख्येने उपस्थित होते.

       कार्यक्रमाच्या यशस्वीतेसाठी क्रीडा विभाग प्रमुख सौ हसीनाबेगम मुल्ला,सौ.संगीता पाटील,सौ.सविता कोळी, श्री. योगेश खराडे, श्री. मल्हारी शिरतोडे,श्री.प्रकाश कदम, श्री.अमृत शिर्के, श्री.शुभम चव्हाण, सर्व शिक्षक, शिक्षिका शिक्षकेतर कर्मचारी यांनी विशेष प्रयत्न केले.

कन्याशाळा मलकापूर येथे साहित्य संमेलन विद्यार्थिनीच्या उस्फुर्त प्रतिसादात संपन्न....

कन्याशाळा मलकापूर येथे साहित्य संमेलन विद्यार्थिनीच्या उस्फुर्त प्रतिसादात संपन्न..

        विद्यार्थिनींमधील कथाकथनकार, कवी मनाचा शोध घेणारा अनोखा उपक्रम...

मलकापूर -

        श्री मळाईदेवी शिक्षण संस्थेची कन्याशाळा मलकापूर येथे विद्यार्थिनींसाठी विद्यार्थिनींनी व शिक्षकांनी आयोजित केलेले मराठी साहित्य संमेलन बुधवार दिनांक ७ जानेवारी २०२६ रोजी मोठ्या उत्साहात संपन्न झाले..यावेळी संमेलनाचे प्रमुख पाहुण्या नवोदित कवयित्री सौ.आशाताई गुरव,संमेलनाच्या उद्घाटक शिक्षण अभ्यासक सौ.वर्षा कुलकर्णी,संमेलनाध्यक्ष नवोदित कवी मा. प्रा. प्रशांत गुरव, संमेलन स्वागताध्यक्षा डॉ. स्वाती थोरात, प्रसिद्ध रानकवी मा.श्री.सावकार जाधव यांच्या शुभहस्ते व श्री मळाईदेवी शिक्षण संस्थेचे सचिव शेतीमित्र अशोकराव थोरात भाऊ,उपाध्यक्ष भास्करराव पाटील,खजिनदार तुळशीराम शिर्के,संस्था पथक पर्यवेक्षण प्रमुख मा. शरदराव चव्हाण,माजी पथक प्रमुख आर. ए. कुंभार सर, पथक पर्यवेक्षण सदस्य श्री.अंकुशराव मोहिते सर, श्री.यादव सर, सातारा न्यूजच्या सौ. विजया माने, दैनिक प्रभातचे नारायण सातपुते यांचे प्रमुख उपस्थितीत ग्रंथदिंडीचे पूजन करून ग्रंथदिंडीला सुरुवात झाली. यावेळी क्रीडा शिक्षक श्री. मल्हारी शिरतोडे व त्यांच्या झांज पथकाच्या ढोल ताशांच्या गजरात ग्रंथदिंडी मिरवणूक काढण्यात आली.

      संमेलन स्थळी ग्रंथदिंडी आणण्यात आली त्यानंतर प्रमुख पाहुणे व विद्यार्थिनीनी विद्यार्थिनीसाठी खास आयोजित केलेल्या साहित्य संमेलनाच्या पहिल्या सत्राला प्रारंभ करण्यात आला..        

     यावेळी प्रमुख पाहुण्यांच्या शुभहस्ते विष्णू वामन शिरवाडकर अर्थात कुसुमाग्रज यांच्या प्रतिमेचे व सरस्वती देवीच्या प्रतिमेचे पूजन करण्यात आले. यावेळी कन्याशाळा मलकापूरच्या विद्यार्थिनींनी श्री. योगेश खराडे सर व सौ.देवकी थोरात मॅडम यांच्या साथीने मराठी अभिमान गीत सादर करीत पाहुण्यांचे स्वागत करण्यात आले.

        कार्यक्रमाचे प्रास्ताविक कन्याशाळा मलकापूरच्या मुख्याध्यापिका यांनी केले. पाहुण्यांचा परिचय सौ. देवकी थोरात व श्री. योगेश खराडे यांनी करून दिला.

      स्वागतध्यक्षा डॉ.सौ. स्वाती थोरात यांनी सातारा येथील साहित्य संमेलनाचा दाखला देत संमेलनाचा उद्देश स्पष्ट केला व विद्यार्थिनींनी आपल्या सुप्त गुणांना ओळखून त्यांना वाव द्यावा व स्वतःला ओळखून स्वतःचा आत्मविश्वास वाढवावा. असे सांगितले तर ग्रंथाशी मैत्री करा व आपले ज्ञान वाढवून समृद्ध व्हा असे आवाहन यावेळी विद्यार्थिनींना केले.

      यावेळी "अमृतकलश" या विद्यार्थिनी व शिक्षकांच्या स्वरचित अशा हस्तलिखिताचे प्रमुख मान्यवरांच्या शुभहस्ते प्रकाशन करण्यात आले.हस्तलिखित निर्मितीसाठी मराठी विषयाच्या शिक्षिका सौ. संगीता पाटील व विद्यार्थिनींनी विशेष परिश्रम घेतले.

        प्रमुख पाहुण्या मा.सौ. आशा गुरव यांनी मराठी भाषा आपल्या अभिमानाची असे सांगताना मराठी गौरव गीत सादर केले. लोकसहित्य व बालसाहित्याचे प्रकार सांगत संत साहित्यलाही स्पर्श केला व स्व-रचित कवितांचे सादरीकरण करीत कार्यक्रमात जान आणली.तसेच मराठी भाषा टिकवायची असेल, समृद्ध करायची असेल तर मराठी साहित्याचे वाचन केले पाहिजे. साहित्य जाणून घेतले पाहिजे. वाचनानेच मनुष्य समृद्ध होतो असे मार्गदर्शन केले.

      साहित्य संमेलनाच्या उद्घाटक मा. सौ.वर्षा कुलकर्णी मॅडम यांनी जगातील इतर कोणत्याही शाळेत जे मिळाले नाही असे तुमच्या शाळेने दिले ते म्हणजे आजचे मुलींसाठी असलेले मराठी साहित्य संमेलन, मुलींसाठी दिलेले व्यासपीठ आणि निसर्गाच्या सानिध्यात साहित्य संमेलनाचा आनंद घेण्यासाठी चे ठिकाण असे सांगत जीवनाकडे सकारात्मकतेने पहा व आनंदी जीवन जगा.वाचनानेच हा आनंद मिळू शकतो असे मार्गदर्शन केले.तसेच मुलींच्या समरस होऊन सुंदर हलकी पुलकी कविता सादर केली व विद्यार्थिनींना खळखळून हसविले.

     यावेळी रानकवी मा. सावकार जाधव यांनी ग्रामीण भागाचे जीवन व आपल्या दैनंदिन जीवनातील अनुभवावर अगदी समर्पक कविता सादर करून विद्यार्थिनी व उपस्थित सर्व मान्यवरांची वाहवा मिळविली.

     संमेलनाध्यक्ष नवोदित कवी प्रा.प्रशांत गुरव यांनी कविता सादर करून समानतेने वागण्याचा संदेश दिला तसेच मुलींना आपले ध्येय ठरवा, आपल्या ध्येयावरच फोकस करा आणि त्यानुसार कृती करा असा मोलाचा संदेश दिला.

      यावेळी विद्यार्थिनीच्या कविता वाचन, कथा कथन व नाट्यछटा यांचे सादरीकरण करण्यात आले. यामध्ये कु.असिया मत्तेखान हिने" नटसम्राट" या गाजलेल्या नाटकातील सादर केलेला अप्पा बेलवलकर सर्वात भाव खाऊन गेला. तर बटाट्याची चाळ या पू. ल च्या नाटकात कु.समृद्धी जगदाळे,कु. श्रेया शिंदे, कु.गौरवी पाटील,कु. अश्मिका भोसले, कु.मधुरा देवकर यांनी केलेला अभिनय अप्रतिम होता. ताटी उघडा ज्ञानेश्वरा या अभंग गीतात पृथ्वीशा सुपनेकर, कु.श्रेया शिर्के,कु. अनन्या मोहिते६वी व त्यांना तबला साथ देणारी कु. विभावरी जगदाळे ५ वी यांनी जबरदस्त परफॉर्मन्स केला. शिक्षकांमधून मराठीच्या सौ. सविता कोळी यांनी कन्याशाळेवरील 

स्व-रचित कविता सादर केली तर कन्याशाळेचे लाडके शिपाई मामा श्री. प्रकाश कदम यांनी ही आपल्यामधील कवीला जागे करत सादर केलेल्या गीताला विद्यार्थिनींनी भरभरून दाद दिली.अर्पिता सूर्यवंशी हिने साहित्य संमेलन इतिहास यावेळी सांगितला.

  यावेळी कथाकथन व कवितावाचन, गीतगायनात कु. सिद्धी पिटले, कु. राजनंदिनी पाटील, कु.धनश्री संकपाळ, कु.सृष्टी कोळेकर,कु. धनश्री यादव, कु. हिंदवी तडाखे,कु.आदिती पवार, कु. हर्षा पवार, कु.हर्षदा पवार, कु.भूमी माने, कु.जकिया पटेल,कु. संचिता नलवडे, कु.कल्याणी मोरे,कु. दिक्षा सकट,कु.स्वरा शिर्के,कु. श्रुतिका तडाखे, कु. अनुष्का मोरे, कु.जिया शेख ,कु.जोहरा मत्तेखान,कु. जान्हवी कांबळे, कु. मधुरा पाटील, कु.सई पाटील, कु.श्रावणी मस्कर, कु. प्रतिज्ञा पवार, कु. श्रद्धा लोहार, अनुप्रिया पवार, कु. पूर्वा बागल, विद्यार्थिनीनी उस्फुर्त सहभाग घेतला.

      तर ज्ञानपीठ पुरस्कार प्राप्त ते मराठीतील दिग्गज लेखक, कवी यांची विद्यार्थिनीच्या सहकार्याने तयार करण्यात आलेली माहिती देणारी आकर्षक पोस्टर्स संमेलन स्थळी लावण्यात आली होती यासाठी शिक्षिका सौ. वनिता येडगे मॅडम यांनी परिश्रम घेतले त्यांना शिक्षिका सौ. हर्षदा सावंत,सौ.पूजा वाघ, सौ. सरिता रसाळ सौ.रुपाली कांबळे,सौ.कुसम पाटील मॅडम यांचे सहकार्य लाभले.

     कार्यक्रमाचे सूत्रसंचालन मराठी विषयाच्या सौ. सविता कोळी व सौ. कविता थोरात यांनी केले. तर आभार पर्यवेक्षिका सौ.करुणा शिर्के यांनी मानले. 

   कार्यक्रमाच्या यशस्वीतेसाठी शिक्षक श्री. विराज ढगाले ग्रंथपाल श्री.प्रसन्न थोरात सर, श्री. शुभम चव्हाण,श्री प्रकाश कदम,कनिष्ठ लिपिक सौ. अर्चना जाधव,श्री.दिपक झिमरे,सौ.महाजन मावशी सर्व शिक्षक, शिक्षिका यांनी विशेष परिश्रम घेतले.

कथाकथनकार, कवी मनाचा शोध घेणारा अनोखा उपक्रम...शेतीमित्र अशोकराव थोरात

    विद्यार्थिनींनी आपल्या विद्यार्थीदशेत ग्रंथाचे वाचन करावे. साहित्याचे पारायण करावे त्यासाठी विद्यालय असा उपक्रम राबवित आहे. त्यातून भविष्यातील कथाकथनकार व कवी तयार व्हावेत म्हणून हा आगळावेगळा उपक्रम. त्यासाठी शुभेच्छा...

कन्याशाळा मलकापूर येथे क्रांतिज्योती सावित्रीबाई फुले जयंती विविध उपक्रमांनी साजरी..

कन्याशाळा मलकापूर येथे क्रांतिज्योती सावित्रीबाई फुले जयंती विविध उपक्रमांनी साजरी...

 मलकापूर दि.3जानेवारी

        श्री मळाईदेवी शिक्षण संस्थेच्या कन्याशाळा मलकापूर येथे विद्यार्थिनींच्या सृजनशीलतेला व त्यांच्यातील सूप्त कलागुणांना वाव देण्यासाठी 3 जानेवारी क्रांतीज्योती सावित्रीबाई फुले जयंती व बालिकादिनाचे औचित्य साधून पाककला, रांगोळी स्पर्धा,वकृत्व स्पर्धा व टाकाऊ पासून टिकाऊ वस्तू तयार करणे इत्यादी स्पर्धांचे आयोजन करण्यात आले होते. यावेळी श्री मळाईदेवी शिक्षण संस्थेच्या मार्गदर्शक संचालिका व मलकापूर नगरपरिषदेच्या नवनिर्वाचित नगरसेविका डॉ.सौ. स्वाती रणजीत थोरात यांचे शुभहस्ते क्रांतीज्योती सावित्रीबाई फुले यांच्या प्रतिमेचे पूजन करण्यात आले व त्यांच्या शुभहस्ते विविध स्पर्धेतील विजेत्या व सहभागी स्पर्धकांना बक्षीस देऊन त्यांना सन्मानित करण्यात आले. यावेळी कार्यक्रमाचे अध्यक्षस्थानी कन्याशाळेच्या मुख्याध्यापिका सौ. सुलोचना भिसे होत्या तसेच कन्याशाळेच्या पर्यवेक्षिका सौ. करुणा शिर्के, सर्व शिक्षक,शिक्षिका, शिक्षकेतर कर्मचारी यांची यावेळी उपस्थिती होती

          श्री मळाईदेवी शिक्षण संस्थेच्या कन्याशाळा मलकापूर येथे दरवर्षी क्रांतीज्योती सावित्रीबाई फुले जयंती व बालिका दिन विविध उपक्रमांनी साजरा केला जातो यावेळी स्पर्धेचे मुख्य परीक्षक हॉटेल मॅनेजमेंट व पंचम स्नॅक्सचे शेप मा. शुभम जिरंगे, गायत्री जिरंगे व मा. अपूर्वा लाटकर व गृहिणी योगिता भिसे यांचे शुभहस्ते पाककला स्पर्धेचे उद्घाटन करण्यात आले यावेळी पथक पर्यवेक्षण प्रमुख मा. शरदराव चव्हाण सर, पथक पर्यवेक्षण सदस्य मा.डॉ.चंद्रकांत कुंभार सर,माजी मुख्याध्यापक मा.अनिल शिर्के यांची उपस्थिती होती. 

         यावेळी परीक्षकांनी सर्व स्पर्धेकांशी संवाद साधून पाककला स्पर्धेतील पदार्थाचे, चित्रकला, हस्तकला स्पर्धेचे परिक्षण केले. यामध्ये नाश्ता मधील पदार्थ तसेच जेवणाचे सर्व पदार्थ तसेच व पौष्टिक पदार्थ तयार करून विद्यार्थिनी यामध्ये उत्स्फूर्त सहभाग घेतला होता तर चित्रकला स्पर्धेतील स्पर्धकांनी सामाजिक विषयावर आधारित चित्राचे रेखाटन करून कला सादर केली तर हस्तकलेमध्ये विद्यार्थिनींनी परिसरातील साधनांचा वापर करून टाकाऊ पासून टिकाऊ उत्कृष्ट साधन तयार केले होते. परीक्षकांनी त्यांच्यातील कलागुणांचे कौतुक करीत आपल्या आवडी क्षेत्रात पारंगत होऊन या क्षेत्रातही पुढे जाऊन व्यवसाय संधी निर्माण करता येतात असे मत व्यक्त केले.

         विविध स्पर्धेतील सहभागी व विजेते स्पर्धकांचे शाळापयोगी साहित्य देऊन मान्यवरांच्या शुभहस्ते बक्षीस वितरण करून त्यांना सन्मानित करण्यात आले.

       कन्याशाळेच्या या उपक्रमाचे संस्थेचे सचिव शेतीमित्र मा. अशोकराव थोरात भाऊ, उपाध्यक्ष मा. भास्करराव पाटील,खजिनदार मा. तुळशीराम शिर्के,सर्व संचालक मंडळ, शिक्षणप्रेमी पालक यांनी कौतुक करीत विद्यार्थिनी मधील कलागुणांना विद्यालय देत असलेले प्रोत्साहन खरोखरच कौतुकास्पद आहे असे मत व्यक्त केले.

        यावेळी सांस्कृतिक प्रमुख सौ.कविता थोरात यांनी सूत्रसंचालन केले तर सौ.देवकी थोरात यांनी सर्व उपस्थित मान्यवरांचे आभार मानले.

     स्पर्धा यशस्वी होण्यासाठी सर्व शिक्षक शिक्षिका शिक्षकेतर कर्मचारी यांनी परिश्रम घेतले.